Su Tintinnatu

Figura de importu mannu in su Carrasecàre Anticu Thiniscolesu it su Tintinnatu. Dioniso intrait in sa carena ‘e s’omine, tramutandelu in d’un’anima mala. Su numene est ligatu a su Tintinnu, dae su sonu de sos sonazos chi juchiat ghetatos a coddu, e Thithieddu dae s’òrtiche brujatu imbrastiatu in cara e bratzos. S’estimenta est de gatía in dolu, e mustrat sos sinnos de sa morte acumpanzande in s’urtimu viazu s’Orcu a su sacrifitziu pro su Deus. Chircande de lu domare a corfos de nerviu e ifurconatas de ‘uste, su sonu de sos sonazos iscossimizaint sa terra pro esseret ischitata dae su sonnu ‘e s’irverru. S’uste, chi teniat in cucuru una conca de mugrone o de crapa, si mustrait a su chelu chircande s’abba projana chi serviat pro su laore.
Chin sa crompita de su cristianesimu, petzi su Tintinnatu paris chin sa partorja, aiant sichitu a esserent permissas e atzetatas in su carrasecare.
Pro custu nch’eniat posta a banda sa parte prus crua de su ritu, mutzande su cantzu de sa passione e su sacrifitziu de sa bestia, chi rapresentait simbulu de paganesimu.