Su Voe Jacu

Sa carotza de Su VOE JACU, mustrait un omine chi ‘eniat picatu dae sa tentassione, fintzas a si tramutare in d’unu Voe. Zirait in mesu ‘e guturos a de note chin sas catenas a trazu e unu carru garrigu de animas. Si firmait cara a sas domos de chie depiat morrere, e in ie muilait. Su muilu eniat intesu petzi dae sos de sa familia e dae sos cumpanzos de su mortu. In su Carrasecàre Anticu Thiniscolesu est sa carotza chi rapresentat sa morte e chi a pustis de su sacrifitziu ‘e s’Orcu, tirat su carru tancande su Carrasecare. Sa creja, in s’opera de cristianizzazione sua, at chircatu in sos annos de irgantzellare sa figura de Su VOE JACU, ma abizandesi de no bi l’achere ait ortatu su numene chin Voe de Santu Jacu, ligandela a sa creja fraicata pro su santu in Thiniscole.